Apple ənənəni pozur: iPhone 15 Pro baha olacaq!

Texnologiya analitiki Jeff Punun fikrincə, “Apple”ın 2023 iPhone modelləri iPhone 15 Pro və iPhone 15 Pro Max əvvəlki modellərdən daha bahalı olacaq. “Apple”ın son 6 ildə ilk dəfə olaraq iPhone qiymətlərini 1000 dollardan yuxarı qaldıracağı gözlənilir.

iPhone 15 Pro niyə baha olacaq?

Apple iPhone X-dan bəri ilk dəfə olaraq telefonlarının qiymətini iPhone 15 Pro seriyasının titan çərçivə, A17 Bionic çipi, daha çox RAM, periskop obyektivi (Pro Max-a məxsusdur) kimi aparat təkmilləşdirilmələri səbəbindən qaldıracaq. "ABŞ"da iPhone Pro modelləri 999 dollardan, Pro Max modelləri isə 1099 dollardan başlayırdı. İndi isə bu sistem qırılacaq. Apple vaxtaşırı "ABŞ"dan kənarda iPhone qiymətlərini artırır, lakin şirkət altı ildir ki, Pro modellərini "ABŞ"da eyni qiymətə satırdı. Bu iPhone 15 Pro ilə dəyişəcək, lakin düz iPhone 15 modellərinə təsir edib-etməyəcəyi bəlli deyil.