Apple daha çox iPhone 15 Plus satmaq üçün bu yola əl atır!

iPhone 15 Pro-nun qiymət etiketi ilə bağlı vacib təfərrüatlar yayılıb. Yayılan xəbərlərə görə, Apple bu il iki 6,1 düym və iki 6,7 düymlük model buraxacaq. Eyni zamanda iPhone 14 Plus satışlarının zəif olduğu vaxtda iPhone 15 Plus satışlarını artırmaq üçün nəyi planlaşdırdığı da məlum olub. Demək Apple iPhone 15 Plus-ı digər üç modellə birlikdə buraxacaq. Qiymət, ölçü və s. eyni olacaq və Apple iPhone 15 Pro-nun qiymətini qaldıraraq satışları artırmaq istəyir. iPhone 14 Plus ilə bağlı ən böyük problem bir çox müştərinin Plus əvəzinə 100 dollar daha çox ödəyib iPhone 14 Pro almağı idi. Həll sadədir: iPhone 15 Pro-nun qiymətini qaldırmaq. Beləliklə, iPhone 15 Pro-nu istəyən alıcılar onu alacaq, Plus və Pro arasında qərarsız olanlar isə böyük ehtimalla Plus-a üstünlük verəcəklər.

iPhone 15 Ultra nə qədər satılacaq?

İlkin ehtimallara görə, iPhone 15 Ultra-nın qiymətinin 1200 dollar və ya 1300 dollar olacağı, yəni iPhone 14 Pro Max-dan 100-200 dollar baha olacağı bildirilir. Yeni seriyanın sentyabrda çıxacağı gözlənilir.