"Apple Watch"da rəngi dəyişən kəmərdən istifadə olunacaq

Apple istifadəçilərin smart saatlarda kəmər dəyişdirmə ehtiyacını aradan qaldıracaq yeni texnologiya hazırlayıb. Cupertino istifadəçinin istəyinə uyğun olaraq rəngini dəyişə bilən kəmərin patentini alıb. Belə ki, Apple Watch sahibləri geyimlərinə və ya əhval-ruhiyyələrinə uyğun olaraq kəmər rəngini birbaşa smart saatdan dəyişə biləcəklər. Bu tip kəmərlərdə elektroxrom xüsusiyyətləri olan materiallardan istifadə olunduğuna görə mümkün olacaq.

Növbəti nəsil kəmərlər tətbiq olunan gərginliyə cavab olaraq rəngini və naxışını dəyişdirə biləcək. Bundan əlavə, hər hansı bir tətbiqdən bildiriş aldıqda fərqli rəngə çevriləcək. "Apple"nin həmçinin yazıları kəmərdə göstərmək ideyası da var.