Apple Watch-dan Parkinson xəstələrinə müjdə!

Apple Watch-dan Parkinson xəstələrinə müjdə!

Apple Watch ən məşhur cihazlardan biridir və bunun insanların həyatını yaxşılaşdırdığını (və ya bu məsələdə onları xilas etdiyini) inkar etmək olmaz. Siz Apple və onun qadcetləri haqqında istədiyinizi deyə bilərsiniz, lakin onunla bağlı bütün uğur hekayələrində həqiqət payı var. FDA Apple Watch-un Parkinson xəstələrini izləmək üçün istifadə edilməsinə icazə verib. Demək sözügedən proqram titrəmə, qeyri-iradi və ya yavaş hərəkət, sərtlik, zəif tarazlıq və s. kimi xəstəliyin ümumi simptomlarını ayırd edə və izləyə bilər.

Apple 2018-ci ildə Watch Series 4-ə sərt yığılmanı aşkarlayan funksiya əlavə etdi və sonra proqram təminatını buraxdı. Bu, tərtibatçılara hərəkət anormallıqları kimi simptomlarla özünü göstərən müxtəlif xəstəlikləri izləmək üçün watchOS proqramından və müalicə üçün isə hərəkət pozğunluğu API-dən istifadə etməyə imkan verdi. Bu cür pozğunluqları izləyən ilk cihaz deyil, lakin Rune Laboratoriyasının kommersiya app-ləri üçün nəzərdə tutduğu ilk proqramdır. Proqramın məqsədi müəyyən müddət ərzində xəstənin vəziyyətini izləmək və həkimlərə, tibb mütəxəssislərinə bu məlumatlara giriş imkanı verməkdir.

Əlbətdə ki, proqramın məhdudiyyətləri var, lakin o, adi tam təkmil tibbi müayinəyə əlavə kimi nəzərdə tutulub. Eyni zamanda bu, FDA tərəfindən təsdiqlənən ilk Apple Watch funksiyası deyil. Belə ki, iyunun əvvəlində administrasiya watchOS-un AFib funksiyasını təsdiqlədi. Proqram 22 və daha yuxarı yaşlı insanların ürəyinə nəzarət etmək üçün saatdan istifadə etməyə icazə verir.

Şərhlər