Biz Apple Watch üçün möhtəşəm bir il gözləyirik, çünki Cupertino bu payızda üç yeni modeli, o cümlədən yeni SE və ilk dəfə güclü bir model təqdim edəcək. Əgər sizi Apple Watch S8  maraqlandırırsa, təqdim edilən konsepsiya renderləri onun necə görünə biləcəyini ən yaxşı şəkildə göstərib.

Apple Watch S8-in yeni versiyasında əlinizə daha rahat oturması və mövcud lentlərlə mükəmməl uyğunluq üçün dairəvi forma saxlanılıb.

Hal-hazırda satışda olan Apple Watch S7 ilə müqayisədə ən böyük fərq bu konsepsiyanın ön tərəfdəki şüşənin əyri formadan tam düzə çevrilməsini nəzərdə tutmasıdır. Ekran haşiyələri də zahirən daha da incələşir və bu, reallaşarsa, Apple Watch S8 ən yaxşı ekran-bədən nisbətinə malik saatlar arasında olacaq.

Digər dizaynerlər tərəfindən yayılan əvvəlki konsept fotoşəkillərində Apple-a həm yuxarıdan, həm də aşağıdan daha kəskin küncləri təklif edirdi, lakin bu yeni konsepsiya reallığa daha yaxın görünür. Çünki saatın altındakı yuvarlaq forma rahatlıq üçün çox vacibdir. Siz həmçinin sol tərəfdə dinamik üçün nəzərə çarpacaq dərəcədə böyük açılışları, üstəlik sağ tərəfdə isə diyircək və düyməni görə bilərsiniz.

Sensorlar baxımından S8-də hər hansı radikal dəyişiklik gözlənilmir. O, hələ də ürək döyüntünüzü və saturasiyanı ölçəcək, lakin Apple-ın əvvəlki versiyasında olan temperatur, qan şəkəri və qan təzyiqi ölçmələri bu seriyada olmayacaq.