Apple Watch Pro-nun qiyməti 1000 dollara çata bilər!

Apple-ın 7 sentyabr tədbirində təqdim etməyi planlaşdırdığı Apple Watch Pro-nun qiyməti məlum olub. Daxil olan məlumatlar göstərir ki, ağıllı saat bu günə qədər ən bahalı Apple Watch modeli olacaq. Apple yaxın günlərdə genişmiqyaslı təqdimat keçirəcək. Tədbirdə şirkət təkcə iPhone 14 seriyalı smartfonlarını təqdim etməyəcək, həm də yeni nəsil Apple Watch modellərini, o cümlədən “Pro” versiyasını nümayiş etdirəcək. Təqdimata bir neçə gün qalmış Apple Watch Pro ilə bağlı bəzi vacib detallar ortaya çıxdı. Bloomberg redaktoru Mark Qurmanın sözlərinə görə, ağıllı saat çox yüksək qiymət etiketi ilə debüt edəcək. Qeyd olunan rəqəm 900 dollardır. Bazardan asılı olaraq qiymət, hətta ,1000 dollardan yuxarı da qalxa bilər.

Apple Watch Pro haqqında nə məlumdur?

Apple 7 sentyabr Çərşənbə günü Apple Watch Series 8 smart saatlarını elan edəcək. Bununla belə, Apple Watch Pro-nun təqdimat tədbirini qeyd edəcəyi gözlənilir. Bu model daha böyük ekrana (ehtimal ki, 2 düym) və 47 mm ölçüsündə olacaq. Apple Watch Pro ilə bağlı daha yüksək tutumlu akkumulyator, S8 çipi və bədən temperaturu sensoru haqqında da danışılır. Ağıllı saatda ekstremal idman növləri üçün daha möhkəm korpus və zərbəyə davamlı ekran ola bilər. Əgər şayiələr doğrudursa, cihaz indiyə qədər buraxılmış ən bahalı Apple Watch modeli olacaq.