“Apple”ın  6 min manatlıq (3500 dollar) qarışıq reallıq eynəkləri hər kəsin alacağı qiymətdə deyil. Bunu nəzərə alaraq şirkət “Vision Pro”nun daha ucuz versiyasını buraxacaq. Mark Qurman “Apple”ın bu yaxınlarda təqdim etdiyi “Vision Pro”nun gələcəyi ilə bağlı fikirlərini bölüşüb. Veteran jurnalistin sözlərinə görə, Cupertino şirkəti 2025-ci ilin sonuna qədər qarışıq reallıq eynəklərinin daha sərfəli variantını buraxmağı planlaşdırır.    

Apple Vision Pro böyük səs-küy yaratsa da, yüksək satış rəqəmlərinə çatması gözlənilmir. Bunun səbəbi onun 3500 dollarlıq qiymət etiketidir. Şirkət iki ildən sonra çıxaracağı modelin qiymətini aşağı salmaq üçün təbii olaraq bəzi funksiyaları azaldacaq.

Apple qiyməti necə aşağı sala bilər?

Qurman hesab edir ki, daha sərfəli versiyanı Apple Vision və ya bəlkə də Apple Vision One adlandırıla bilər. Xərcləri azaltmaq üçün eynəkləri daha zəif prosessorla təchiz etmək olar. Cihazda 4K mikro-OLED displeylər əvəzinə daha aşağı səviyyəli həll görə bilərik. Şirkət 3D kamerası və məkan audio texnologiyalarını da ixtisar edə bilər. Bu ixtisarlara sadə başlıq və az sensor sayını əlavə etsək, Apple qiyməti bir neçə yüz dollar aşağı sala bilər