Apple Twitter reklamlarını bərpa edir!

İlon Mask Twitter rəhbərliyinə gələndən ciddi dəyişikliklər baş verir. Son olaraq reklam şirkətləri ilə problem yaşandı. Belə ki Apple “Twitter”də reklamlarının əksəriyyətini dayandırmışdı. Ancaq bu yaxınlarda Tim Cook ilə görüşən İlon Mask “Apple”ın “Twitter”də reklamını qaldığı yerdən davam etdirəcəyini açıqladı.

Apple şirkəti Twitter-də reklamını bərpa edir

Apple “Twitter”də reklamı dayandırdığını heç vaxt təsdiq və ya təkzib etməyib. Reklamın ləngiməsinin Maskın “Twitter”i alması və ya keçən ayın sonundakı hesabat ilə bağlı olub-olmadığı dəqiq bilinmir. Yəni səbəbin nə olduğu açıqlanmayıb.  Lakin İlon Mask çərşənbə günü Apple Parkda Tim Cook ilə görüşdü və yaxşı nəticələr oldu. Görüşdən sonra açıqlama verən İlon Mask Kukun heç vaxt “Twitter”i “App Store”dan silməyi planlaşdırmadığını bildirdi.

Son Twitter Spaces tədbiri zamanı Mask “Apple”ın “Twitter”də reklamlarını artırdığını təsdiqlədi. O, həmçinin bildirib ki, Apple “Twitter”in ən böyük reklamçısıdır.