Apple SIM kart yeri olmayan iPhone 14 modelini satışa çıxara bilər!

Dünyada eSIM standartını qəbul edən fiziki SIM yuvası olmayan telefonlar satışa çıxarıla bilər. eSİM texnologiyası ilə plastik SIM karta ehtiyac qalmır. Yeni nəsil SIM texnologiyası olan eSIM abunəçilərinə mobil şəbəkəyə qoşulmaq və rabitə xidmətlərindən istifadəni xeyli sadələşdirən yeni imkanlar yaradır. Yəni fiziki olaraq telefonda SIM kart yeri olmayacaq, amma virtual olarq siz kartı alacaqsınız və onlayn qeydiyyata düşəcəksiniz. Son vaxtlar belə xəbər yayılıb ki, iPhone 14 seriyası bəzi bazarlar üçün yalnız eSIM versiyalarında gələ bilər. Apple-ın bütün məhsullarında fiziki SIM-dən eSIM-ə tam keçid etməsi gözlənilmir, sadəcə insanların eSIM-li telefona açıq olub-olmadıqlarını yoxlamaq istəyirlər.

Bildirilir ki, Apple artıq bir neçə böyük ABŞ operatorunu bu payızda gələcək eSIM-li iPhone modellərinə hazırlaşmaq üçün xəbərdar edib. Telefonda SIM yuvasını çıxarmağın əsas üstünlüyü ondan ibarətdir ki, o, telefonun daxilində digər komponentlər üçün yer boşaldır. Bu halda təhlükəsizlik istifadəçilərin qazanacağı üstünlük olacaq. Çünki telekommunikasiyalar eyni vaxtda milyonlarla istifadəçiyə təhlükəsizlik yeniləmələri göndərə biləcək.