Apple Ay Yeni İlini xüsusi dizaynlı AirPods 4 ilə qarşıladı

Apple, Çin Ay Yeni İli üçün məhdud sayda hazırlanmış xüsusi dizaynlı AirPods 4 modelini təqdim edir. İlan ilinə özəl nəşr olunmuş bu xüsusi qulaqlıqlar texnologiya həvəskarlarını gözləyir.

Texnologiya nəhəngi Apple, Çin təqviminə görə 29 yanvarda başlayacaq Ay Yeni İlini xüsusi məhsullarla qarşılamağahazırlaşır. Şirkət, USB-C şarj qutusunda İlan ili üçün unikal bir nəşri  ilə fərqlənən xüsusi AirPods 4 modelini məhdud sayda istehsal edəcəyini açıqlayıb. Bu model standart AirPods 4-ün texniki üstünlüklərini qoruyur.

AirPods 4 ilan ili nəşri: Mədəniyyət və texnologiyanın görüşü

Apple-ın xüsusi dizaynlı məhsul yaratmaq ənənəsi əvvəlki illərdə də davam edib. Şirkət daha öncə Əjdaha, Öküz, Pələng və Dovşan illəri üçün xüsusi AirPods Pro versiyalarını təqdim edib. Lakin bu il ilk dəfə olaraq standart AirPods seriyasını xüsusi kolleksiyaya daxil edib. Hər müştərinin maksimum iki ədəd ala biləcəyi AirPods 4 artıq sifariş üçün əlçatandır və 8 yanvardan etibarən çatdırılacaq.

Apple, Yeni İl kampaniyalarını yalnız AirPods ilə məhdudlaşdırmır. Şirkət, Çində iPhone 16 modellərinə 500 yuanlıq endirimlər təqdim etməklə yanaşı, Mac, iPad və digər aksessuarlarda da cazibədar təkliflər təqdim edir. Bundan əlavə, 4 yanvar-14 fevral tarixləri arasında "Today at Apple" sessiyalarında İlan İli temalı xüsusi tədbirlər keçirəcək.