Bilirik ki, Apple uzun müddətdir qarışıq reallıq eynəkləri üzərində işləyir. Bu kontekstdə yeni rəqabətə qədəm qoyacaq şirkətin planları davamlı olaraq dəyişir. Son söz-söhbətlərə görə cihaz iyun ayında baş tutacaq WWDC-dən əvvəl təqdim ediləcəkdi. İndi “Apple”a yaxınlığı ilə tanınan Mark Qurman AR/VR əsaslı eynəklərin mümkün satış tarixini açıqlayıb.

Bloomberg yazıçısı Mark Qurmanın sözlərinə görə, Apple WWDC tədbiri zamanı AR/VR əsaslı eynəklərini rəsmi olaraq nümayiş etdirəcək. Qurman eynəklərin buraxılışının ilk olaraq yaz aylarına planlaşdırıldığını, lakin proqram və aparat problemlərinə görə gecikdiyini bildirib. Bu arada qeyd edək ki, WWDC 2023-ün tarixi hələ açıqlanmayıb. Lakin hər il olduğu kimi, böyük ehtimalla iyun ayında keçiriləcək.

Bilməyənlər üçün “Apple”ın qarışıq reallıq eynəkləri AR və ya VR əsaslı qulaqlıqlarda əvvəllər heç vaxt olmayan yeni xüsusiyyətlər və imkanlar təqdim edəcək. Yayılan şayiələrə görə, "Reality Pro" adlanacağı deyilən cihazın ikili 4K displey, təkmilləşdirilmiş izləmə və çoxlu kamera ilə 3000 dollardan baha olacağı bildirilir.