Apple iPhone sahiblərinin istifadə edə biləcəyi proqramları ciddi şəkildə idarə edir. Məsələn, iOS istifadəçiləri yalnız App Store-dan proqramlar yükləyə bilərlər. Bilirsiniz ki, App Store-də yerləşdirilən proqramlara görə şirkət proqramistlərdən 30 % komissiya alır. Çoxlarının ədalətsiz hesab etdiyi qiymətə baxmayaraq, Apple istifadəçilərin təhlükəsizliyini qoruduğunu bildirir. Buna rəğmən bir çox saxta proqram hələ də Apple-ın rəsmi mağazasında mövcuddur.
Apple saxta proqramlara görə heç nə etmək istəmir!
Apple Avast-ın 2021-ci ilin mart ayında tapdığı 133 saxta proqramın əksəriyyəti ilə bağlı heç bir iş görməyib. Həmin vaxta qədər onlar 500 milyon dəfə endirilib və 365 milyon dollar gəlir əldə ediblər. 15 ay sonra həmin proqramlardan 84-ü hələ də App Store-da mövcuddur. Bu proqramlar fleeceware adlanır və pulunuzu fırıldaq yolu ilə sizdən almaq üçün hazırlanıb. Beləliklə, onlar məlumatlarınızı oğurlamasalar da olduqca təhlükəlidirlər. Çünki onlar gizli yolla həddindən artıq gəlir əldə edirlər. Vpncheck-in hesablamalarına görə, onlar hər il istifadəçiləri 100 milyon dollardan çox aldadırlar. Proqramlar 7,2 milyon dəfə yüklənib və hər ay 8,6 milyon dollar gəlir əldə edib.
Bu kimi proqramları müəyyən etmək o qədər də çətin deyil. Onların əksəriyyəti virtual musiqi alətləri, kalkulyatorlar kimi əyləncə proqramlarıdır. Həmçinin fal proqramları, foto, video filtrləri və ya redaktorları, səs artırıcıları, viktorina əsaslı oyunların adı altında gizlənə bilərlər. Digər əlamət isə aşağı reytinqli rəyləri gizlətmək üçün saxta profillərlə yazılmış 5 ulduzlu rəylərdir.
Bu proqramlardan bəziləri:
Frames - Picture Collage Maker
Facelab - Face Editor & Beauty
PDF Scanner: Document Scan, Dizzi - Photo & Video Effects
Hyper Cleaner: Clean Phone, Highlight Story Cover Maker!
Cartoons Me - Photo Art Editor, Sweet Pics - Baby Photo Edito
Slimy: Anxiety Relief Slime 3D, Frame - Slideshow Video Maker
Auto Sticker Maker Studio, iCons - Icon Changer App +
ToonApp Cartoon Photo Editor, MagicFX - Magic Video Effects
Horoscope 2019 and Palm Reader, Handset - Second Phone Number
SlidePic - Slideshow Maker, Astro+ Horoscope & Astrology
FaceMe－Fun Personality Tests, Widget PLUS+ - Photo & Weather
aipic - Magic Photo Editor, Path - Horoscope & Astrology
Photo Collage - Collageable ,Hub - Story Templates Maker
Guitar - Chords, Tabs & Games Piano - Lessons & Tiles Games
Guitar Tuner - Ukulele & Bass Guitar - real games & lessons
Drums: Play Beats & Drum Games Beat maker pro - DJ Drum Pad
Karaoke Songs - Voice Singing Piano, Crush - Keyboard Games
edjing Pro - music remix maker DJ it! - Music Mixer Pad
Jambl: DJ Band & Beat Maker, Guitar Play - Games & Songs
Memoristo: Brain Test, IQ Game
Bəs niyə Apple bu proqramları App Store-dan silmir?
Bu proqramları aşkar etməyin nə qədər asan olduğunu bilsək də görünür ki, Apple istifadəçiləri fırıldaqçı proqramlardan qorumaqdansa, axtarış reklamları və App Store gəlirlərinə daha çox əhəmiyyət verir.
