İndiyə qədər Apple heç bir qatlana bilən məhsul buraxmayıb, lakin bu, şirkətin yeni texnologiya üzərində işləmədiyi mənasına gəlmir. Bir müddətdir ki, yayılan söz-söhbətlər yavaş-yavaş həqiqət olmağa başlayıb. Məlumatlara görə, Apple qatlana bilən MacBook Pro hazırlıqları içindədir.

The Elec xəbər agentliyi xəbər verir ki, Apple 20 düymlük qatlana bilən ekranın hazırlığını görür. Bu ekranın Cənubi Koreyalı təchizatçı tərəfindən istehsal olunan 20,5 düymlük OLED panel olacağı da bildirilir. Bu istehsalı hansı şirkətin edəcəyi hələ bəlli deyil, lakin sözügedən ölkədə LG Display, Samsung kimi istehsalçılar var və bu şirkətlər artıq “Apple”ın tədarükçüsüdür. Hər halda, 20,5 düymlük qatlana bilən ekran içəriyə doğru bükülür və onun ölçüsü 15,3 düym ola bilər. Bu da iPad Pro-nun ekranından kiçikdir. Digər tərəfdən, o, yeni 16 düymlük MacBook Pro ilə müqayisədə daha kiçik olacaq.

Hesabatda həmçinin qeyd edilir ki, Apple 20 düymlük qatlanan cihazı 2026 və ya 2027-ci illərdə satışa çıxarmağı planlaşdırır. Yadınızdadırsa, qatlana bilən MacBook xəbərləri bu ilin əvvəlində ortaya çıxdı və daha sonra sənayenin etibarlı adlarından biri olan Mark Qurman belə bir məhsul haqqında məlumatı olduğunu bildirmişdi.