Android istifadəçiləri kütləvi şəkildə "iPhone"a keçir!

Android istifadəçiləri kütləvi şəkildə "iPhone"a keçir!

CIRP (Consumer Intelligence Research Partners) analitik şirkətinin məlumatına görə, Android istifadəçiləri kütləvi şəkildə Apple smartfonlarına keçməkdə davam edirlər. Bu yaxınlarda aparılan araşdırma göstərdi ki, son beş ildə “Android”dən “iOS”a keçən istifadəçilərin sayında əhəmiyyətli artım olub.

Sorğuda iştirak edən yeni iPhone sahiblərinin 15%-i əvvəlki smartfonlarının Android cihazı olduğunu bildirib. Müqayisə üçün qeyd edək ki, bu göstərici əvvəlki ildə 11%, ondan əvvəlki ildə 10% olub. Açıqlanan məlumatlar göstərir ki, 15% səviyyəsinə 2018-ci ildə də nail olunub.

2016-cı ildə son 9 ildə ən yüksək keçid

Əvvəlki illərdə “Android”dən “iOS”a keçid sürətinin daha yüksək olduğunu görürük. Maraqlıdır ki, 21%-lik ən yüksək səviyyə 2016-cı ildə əldə edilib. Bu, son doqquz ilin ən yüksək keçidi kimi qeydə alınıb.

Xatırladaq ki,  sözügedən araşdırma 2023-cü ilin martında başa çatan bir illik dövrü əhatə edir. Bunu nəzərə alsaq, platforma dəyişikliyindəki əhəmiyyətli artımı iPhone 14 seriyasının uğuru ilə əlaqələndirə bilərik. Bir çox istifadəçinin diqqətini çəkən yeni iPhone seriyasının “Android”dən “iOS”a keçid qərarında mühüm rol oynadığı görünür.

Şərhlər