Google, Android 15-in təqdimatı ilə məşğul olarkən, artıq gələcək böyük yeniləmənin başlanğıcını qoyub və Android 16-nın ilk test versiyasını istifadəçilərə təqdim edib. Bu yenilik, əsasən, tətbiq hazırlayan mütəxəssislərə yönəlib və bir sıra yeni funksiyalarla təchiz edilib.

Yeniliklər nələrdir?

• Foto Seçici Sistemi: Artıq proqramçılar öz tətbiqlərində seçilmiş şəkil və videoların rahatlıqla paylaşılmasını təmin edə biləcəklər.
• Sağlamlıq Məlumatları ilə İnkişaf: Yeni versiya FHIR standartları ilə tibbi məlumatların oxunması və yazılmasını dəstəkləyir.
• Gizlilik İslahatları: Məxfiliyi qorumaq üçün reklam modulu yenilənib.

Tətbiq etmə prosesi:

Android 16-nı sınaqdan keçirmək istəyənlər üçün Android Flash Tool ən ideal seçimdir. Sadəcə bir neçə addımla sistemi quraşdırmaq mümkündür:

1. Android Flash Tool səhifəsinə daxil olun.
2. Android USB sürücülərini quraşdırın və cihazı kompüterinizə qoşun.
3. Flash Tool ilə əlaqəni təsdiqləyin.
4. İstədiyiniz versiyanı seçərək yükləmə prosesini başladın.

Uyğun cihazlar:

Yeni test versiyası əsasən Google Pixel seriyalı cihazları dəstəkləyir:

• Google Pixel 6, Pixel 6 Pro, Pixel 6a
• Google Pixel 7, Pixel 7 Pro, Pixel 7a
• Google Pixel Tablet
• Google Pixel Fold
• Google Pixel 8, Pixel 8 Pro, Pixel 8a
• Google Pixel 9, Pixel 9 Pro, Pixel 9 Pro XL, Pixel 9 Pro Fold

Çıxış tarixi:

Google-un məlumatına görə, Android 16-nın stabil versiyası 2025-ci ilin ortalarında təqdim ediləcək. İlk beta versiyaları isə artıq yayımdadır.

• Android 16 Developer Preview 1 - 20 noyabr
• Android 16 Developer Preview 2 - dekabr 2024
• Android 16 Beta 1 - Yanvar 2025
• Android 16 Beta 2 - Fevral 2025
• Android 16 Beta 3 - Mart 2025
• Android 16 Beta 4 - Aprel 2025