AirPods Pro 3-ün sağlamlıq xüsusiyyətləri üzə çıxdı

Mark Gurman, AirPods-un yeni sağlamlıq xüsusiyyətləri ilə bağlı bir neçə yenilik paylaşdı. Apple, AirPods Pro 3 üçün yeni  sensorlar daxil olmaqla geniş bir sağlamlıq funksiyası üzərində işləyir.

Bildirilir ki, Apple, ürək döyüntüsünü izləmə, temperatur sensoru və digər fizioloji göstəriciləri ölçən yeni sensorlar əlavə etməyi planlaşdırır.

AirPods Pro 3, ürək döyüntüsü izləmə və temperatur ölçmə funksiyaları ilə təqdim edilə bilər

Gurman bildirir ki, ürək döyüntüsü texnologiyası, ilkin inkişaf mərhələsində olan AirPods Pro 3 üçün hazır ola bilər. Ürək döyüntüsü izləmə funksiyasına sahib AirPods, istifadəçilərə Apple Watch  taxmağa ehtiyac olmadan sağlamlıq və fitness məqsədli funksiyalara çıxış imkanı yaradacaq. Apple-ın testlərinə görə, ürək döyüntüsü ölçmələri, AirPods-dan daha dəqiq nəticələri Apple Watch təqdim edir, lakin aralarındakı fərq əhəmiyyətli deyil.

Bu arada, Apple, yeni Powerbeats Pro 2 qulaqlıqlarında məşq zamanı ürək döyüntüsü izləmə funksiyasını təqdim edəcək. İstifadəçilər, Powerbeats Pro 2-ni qaçış bandı kimi idman avadanlıqlarına qoşaraq ürək döyüntüsünü ölçə biləcəklər. Məlumatlar iPhone-dakı Sağlamlıq tətbiqində və digər uyğun proqramlarda görüntülənəcək.

Gurman qeyd edir ki, uzunmüddətli perspektivdə Apple, AirPods-lara süni intellekt dəstəyi ilə yeni xüsusiyyətlər əlavə etmək üçün kamera əlavə etməyi də düşünür.