Ən güclü oyun prosessoru – AMD Ryzen 7 5800X 3D təqdim olundu

Ən güclü oyun prosessoru – AMD Ryzen 7 5800X 3D təqdim olundu

    Hər il keçirilən və texnologiya həvəskarlarının sevimlisi olan CES sərgisi bu il də həyəcanlı bir şəkildə davam edir. İntel şirkətinin əzəli rəqibi olan AMD şirkəti “Dünyanın ən güclü oyun prosessoru” olaraq adlandırdığı Ryzen 7 5800X 3D prosessorunu təqdim etdi.

     AMD şirkətinin kompüter-çip ekosistemində ciddi dəyişikliklərə səbəb olması planlanan yeni 3D V-cache texnologiyası ilə hazırlanmış prosessoru CES 2022 sərgisinin ən həyəcanlı təqdimatı oldu. Şirkətin iddialara görə yeni prosessor oyunlar üçün hazırlanmış ən güclü prosessordur. Təqdim edilən Ryzen 7 5800X 3D prosessoru Zen 3 arxitekturasında hazırlanmış 8 nüvəyə və 16 iş parçacığına malikdir. Həmçinin 3.4 Ghz tezlikdə işləyən bu prosessor yük altında 4.5 Ghz turbo tezliyinə çıxa bilir. 32 MB L3 keş yaddaşına malik olan prosessorun əlavə olaraq 64 MB önkeş yaddaşı olacağı AMD tərəfindən bildirilib.

    Təqdimata əsasən yeni prosessor bu ilin Bahar aylarından satışa çıxacaq. Lakin mövcud olan çip qıtlığı problemi istifadəçiləri qismən qorxuzur. Beləki yeni prosessorun çox yüksək sayda istehsal edilməməsi mümkün görünür.

Şərhlər

Digər xəbərlər