Ericsson Mobility Report-un 2023-cü ilin noyabr nömrəsini dərc edib. Hesabata görə, 2023-cü ilin sonuna kimi 5G abunəçilərinin sayı 2022-ci illə müqayisədə 63 faiz artaraq 1,6 milyarda çatacaq.

Ericsson, hər 6 aydan bir dərc etdiyi Ericsson Mobility Report-un 2023-cü ilin Noyabr buraxılışını nəşr etdi. Hesabata görə, 2023-cü ilin sonuna qədər yeni 5G abunəçilərinin sayı 2022-ci ilə nisbətən 63 faiz artaraq 1,6 milyarda çatacaq ki, bu da əvvəlki hesablama ilə müqayisədə 100 milyon artım deməkdir.

Çinin 2023-cü ilin sonuna qədər 769 milyon ilə ən çox 5G abunəçisi olan ölkə olacağı gözlənilir. Regional baxımdan Şimali Amerika  61% ilə qlobal miqyasda ən yüksək 5G abunəçi nisbətinə malik region olacaq. 2023-cü il ərzində Hindistanda 5G abunəçilərinin sayı xeyli artıb. Hesablamalara görə, 2023-cü ilin sonuna, 5G kommersiya istifadəsinə verildikdən 14 ay sonra ölkədə 5G abunəçilərinin sayı əhalinin 11%-ni keçəcək.

2023-cü ilin sonu ilə 2029-cu il arasındakı 6 illik dövrdə 5G abunəçilərinin dünya üzrə 330% artaraq 1,6 milyarddan 5,3 milyarda yüksələcəyi gözlənilir . 2023-cü ilin sonuna qədər dünya əhalisinin 45% -dən çoxunun, 2029-cu ilin sonuna qədər isə 85%-nin 5G ilə əhatə olunacağı proqnozlaşdırılır. 2029-cu ilin sonuna qədər Şimali Amerika və Körfəz Əməkdaşlıq Şurasının 92%-lə ən yüksək regional 5G əhalisinə sahib olacağı proqnozlaşdırılır. Bu regionları 85%-lə Qərbi Avropa izləyəcək.

Mobil məlumat trafiki 2029-cu ilə qədər üç dəfə artacaq

Bir smartfon üçün qlobal orta məlumat istifadəsi də artmaqda davam edir. Ümumi mobil məlumat trafikinin 2023-cü ilin sonu ilə 2029-cu ilin sonu arasında üç dəfə artacağı təxmin edilir. Hesabata görə, bir telefon üçün aylıq mobil məlumat istehlakı  2023-cü ilin sonunda 21 GB-dan 2029-cu ilin sonuna kimi 56 GB-a çatacaq .  Bu artımın əsas səbəbləri kimi cihazlarda texnoloji inkişaflar, məlumat tutumlu məzmunun həcminin artması və hazırda xidmətdə olan şəbəkələrin performansının davamlı təkmilləşdirilməsi göstərilir.

Yüksək tutumu yaxşı əhatə dairəsi ilə birləşdirən 5G orta diapazonu tam istifadə üçün ideal həll kimi seçilir. Dünya miqyasında 5G orta zolaqlı əhatə dairəsində əhalinin payı 2022-ci ildəki 30%-dən bu gün 40%-dən çox artıb. Hindistanda istifadəyə verilən çoxlu sayda orta zolaqlı şəbəkələr və Avropada bəzi orta diapazonlu şəbəkə qurğuları bu artımın əsas səbəbləri kimi göstərilir.