Apple-ın böyük maraqla gözlənilən iPhone SE 4 modelinin təxmini çıxış tarixi ilə bağlı məlumat ortaya çıxıb. Yeni nəsil uyğun qiymətli iPhone modelinin OLED panel və digər xüsusiyyətlərlə gələcəyi bildirilir. Gözlənilən çıxış tarixi və detallar belədir:
Son zamanlar Apple-ın yeni iPhone SE 4 modelinə dair gözləntilər yüksəlməkdədir. Çünki əvvəlki iPhone SE 3 modeli satış gözləntilərini doğrultmamış və ötən il SE seriyasına yeni model əlavə olunmamışdı. Bu səbəbdən bütün diqqətlər iPhone SE 4 üzərində toplanıb. Yaxın saatlarda isə iPhone SE 4 modelinin təxmini çıxış tarixi barədə yeni məlumatlar paylaşılıb.
Xatırlatma üçün qeyd edək ki, iPhone SE 4 modelinin ön tərəfində iPhone 14 dizaynına bənzər kiçik bir çentik və arxa hissədə isə tək kameralı modulun olması gözlənilir. Yeni yayılan məlumatlara görə, bu sensordan məsul olacaq LG Innotek şirkəti artıq cihazın testlərinə başlayıb. Təchizat mərhələsinin isə cihaz satışa çıxmazdan üç ay öncə baş verəcəyi bildirilir.
Bu məlumatlar iPhone SE 4 modelinin ən gec gələn ilin əvvəlində, ehtimal ki, yazda satışa çıxacağını göstərir. Daha əvvəl isə Apple-ın cihazı 2025-ci ilin mart-iyun ayları arasında təqdim edəcəyi deyilirdi. Bu səbəbdən, daha erkən bir təqdimat tarixi ilə qarşılaşa bilərik.
Əvvəlki məlumatlara əsasən, yeni iPhone SE 4 modeli iPhone 14 dizaynına bənzəyən, yanlardan kənara qədər uzanan ekran və yuxarı hissədə çentik ilə istifadəçilərin qarşısına çıxacaq. Mövcud iPhone SE modellərindən fərqli olaraq, bu versiyada Touch ID yerinə Face ID texnologiyasının istifadəsi gözlənilir.
Ən diqqətçəkən yeniliklərdən biri isə Apple Intelligence dəstəyinin olmasıdır. Hal-hazırda bu xüsusiyyət yalnız iPhone 15 Pro, iPhone 15 Pro Max və yeni iPhone 16 modellərində mövcuddur. Eyni zamanda iPhone SE 4, 6.1 düymlük daha böyük bir OLED ekran ilə təchiz olunacaq. Performans baxımından isə iPhone SE 4-ün A18 çipi ilə gələcəyi söylənilir. Həmçinin cihazın USB-C bağlantısı, 48 MP əsas kamera, 5G modem və 8 GB RAM ilə təchiz olunması gözlənilir.
