18 yaşdan kiçiklər "TikTok"da yalnız 1 saat vaxt keçirə biləcək!

Bu gün TikTok uşaqlar və gənclər üçün bir nömrəli əyləncə vasitəsinə çevrilib. Tənzimləyici orqanlar da saatlarını ekran qarşısında keçirən nəsillər üçün sosial media platformalarına təzyiq göstərir. Bu mənada valideyn nəzarətinin gücləndirilməsi və ya ekran vaxtının tənzimlənməsi kimi tədbirlər görülür. 

Ən çox izlənilən sosial şəbəkə statusunu qoruyan TikTok 18 yaşdan kiçik istifadəçilərin ekran vaxtının standart olaraq 1 saatla məhdudlaşdırılacağını açıqladı. İstifadə vaxtı 1 saatı keçdikdə sistem istifadəçidən parol daxil etməyi xahiş edəcək. Şifrəni daxil etdikdən sonra izləməyə davam edə biləcək. İstifadəçi istəsə, parametrlər menyusuna daxil olaraq məhdudiyyəti aradan qaldıra biləcək.

Digər tərəfdən, "Valideyn Nəzarəti" funksiyası da yeniləndi. Valideynlər övladlarının TikTok hesablarına qoşularaq nəzarəti ələ keçirə biləcəklər. Videolar sözlər və ya etiketlərə görə filtrlənəndə gündəlik istifadə limiti də təyin ediləcək.